حاكموا شركة عصير مصر
عصروك يامصر عصر القصب
شربوا عصيره وسابو الحطب
 |
| يوسف محمد |
ونسمع منهم أحــلى الكلام
ونسمع منهم رنين الخطب
دا عود ك كان خـد الجـميل
أصبح مسوّس وصابه العطب
ويطلع علينا واحد ضلالى
ويقول دا عصره عصر ذهب
عصروك يامصر عصر العنب
وحطوا عصيرك فى برميل خشب
وخمرك يامصر محرم علينا
وليهم حلال وعز الطلب
دا خيرك يامصر يغطى جبال
وياما كتير من خيرك نهب
شعبك يامصر كنز كبير
أغلى وأثمن من الذهب
عصروك يامصر عصر الفراولة
رئيسك فى نهبك واخد مقاولة
بتحميه عصابة قال ايه أمن دولة!
سروره موافق شريفه منافق
وعزه حرامى وضلالى وسارق
عزمه دا مايل هلامى وسايل
حبيبه دا قاتل جماله دا فاشل
معاه مليارات والمهنة عاطل
شهابه دا مطفى هلاله دا مخفى
فقيه تراجع وعامل مناضل
وفى يوم وليلة كله اتشطب
عصروك يامصر عصر الطماطم
وشعبك كان ساكت وقاطم
والكل كان فى موجهم يلاطم
وفى يوم مغاير فى شهر يناير
قام الشباب غضبان وثاير
ودم الشهيد طرح البشاير
وفى التحرير هتف الضمير
كفاية علينا ارحل وغادر
فى ثورة تكتب عنها كتب
ليست هناك تعليقات:
إرسال تعليق