عليك الملام
يومــاتى اسلم واصــلى
وادعــى بمقـــام محمود
عاشقك وعشقك واصلى
ف ارض وسـما محمود
***
دقيق دا عيشه ما رده
فاتح مناضـــر وسادة
ليه باب دا ابدا ما رده
قاصدينه فقـرة وسادة
***
محروم وبادعى يهادى
خليل دعاها وهـــــاجر
شوف ربك اما يهــادى
سـارة تخـلف وهاجــر
***
لا تخاف مهانه وعصــى
ولا تخشى صاحب سيادة
شـوف يوسف اما عصى
ما خـافـش منهـا سيـــادة
***
استنكر واشجـــب ودين
وقولك ع الهــــــوا قولا
اعمل مدافـع على الدين
وقاطع واشرب كوكولا
***
بطلنا شغـــل السياسـة
ومسكـنا للخلـق سيـرة
الكـــدب اصبـح كياسة
والزفة صبحت مسيرة
********
خالد حلمى الطاهر
ليست هناك تعليقات:
إرسال تعليق