مصراوية (من نافذتي)
أحب أعرفكم بنفسى :
أنا مصراويه
بنت البلد دى
بعشق هواها...نسيمها ...جوها
بعشق ترابها...نيلها ...أرضها
صوت الولاد فى الشوارع
صوتهم وهما بيلعبوا
ده بينسحب أنا مش راح العب
يقوم ويمش
وصاحبه قايم وراه بيجرى
على فين يا صاحبى ؟
بينا نلعب
دق الطبول ويا الدفوف وقت الفرح
حتى ساعة حزنها
بعشق تضامن أهلها
الكل جاى عليا يجرى
ياخد بخاطرى
دى تطبطب
وده يراضى
ياخدو بخاطرى
قبل التاريخ بتاريخ
كان الوجود ليكى يامصر
قبل الحضارة والعراقه
انتى الأصاله
يارب ...احميها
وعلينى بيها
مش لاجلى انا
لاجل اهلها
ده مصر دى هى الوطن
عرفتو ايه معنى الوطن
أرض فيها تزرع وتحصد
من خيرها دايما تاكل وتشرب
تحس فيها بالأمااااان
وسط اهلها
تلاقى فيها الانسانيه
تحس فيها بالكرامه والوجود
وقت الخطر
يحميك ترابها اللى شرب دم الشهيد
تأويك جبالها اللى عليها كل العيون
وقت الغرق
طوق النجاه هتمدهولك
وان جاه فى يوم عيوننا غفلت
عيون الوطن فى يوم ما تغفل
بقدرة الله العظيم
عرفتو ايه معنى الوطن؟
وعرفتو مين بقه مصراويه؟.
ليست هناك تعليقات:
إرسال تعليق